لا تزيد الجرح يكفي القديمـ

لاتزيد الجرح يكفيني القديم


لاتزيد الجرح يكفيني القديم
جرحي الأول بقلبي مابرى

لاتحول جنة الحب لجحيم
من يبيع الود عمره ماشرى

كل مامديت لك كف ٍيتيم
خطوتك ياللأسف ترجع ورى

دام عرق الحب في قلبك عقيم؟
لاتعاتبني على شي ٍ جرى

شوف حالي من سبب صدك سقيم
وأنت تسمع ونة الحزن وترى

ياتبدلني جحيمك بالنعيم ؟؟
وتشفع أيام ٍ مضت كنا عشرى

أو تصد وصدتك لاشك ضيم
وشوفة المقفي إليا قفى عرى

الحزن في داخل أعماقي مقيم
والأماني والرجاء تحت الثرى

والعروق جياع والمسرى عتيم
وعن شديد البرد مانلقى ذرى

مابقالي يايباس الروح ديم
يرحم الله من على بالي طرى

ومايردك يالكريم ألا اللئيم
سو فيني ماتود وماترى

وزيدني جرح ٍ على الجرح القديم
أن برى....ولا لعله مابرى